АРХИЧИД АМИНЧЛАХУЙ
…Чухам эндээс л бүх зүйл эхэлнэ…
Архичид Аминчлауй /Alcoholics Anonymous ©/ гэдэг нь өөрсдийн туршлага, хүч тэнхээ, итгэл найдвараа бие биентэйгээ хуваалцаж, өөрсдийнхөө зовлон бэрхшээлийг хамтран шийдвэрлэхийн тулд мөн архинд донтох өвчнөөс эдгэрэхийг хичээж байгаа бусаддаа туслахаар хамтран нэгдсэн эрэгтэй, эмэгтэй хүмүүсийн нөхөрлөл юм.
· Гишүүддээ тавьдаг цорын ганц шаардлага бол архинаас ангижрахыг зорьсон чин хүсэлтэй байх явдал юм. А.А-гийн гишүүнчлэлд хамрагдахын тулд аливаа хураамж төлбөр төлөх шаардлагагүй. Бид өөрсдийн хандив цуглуулгаар үйл ажиллагаагаа санхүүжүүлдэг.
· А.А. нь шашны ямар нэгэн урсгал, бүлэг, улс төрийн аливаа байгууллагатай холбоогүй ба үзэл бодлоор тэдгээр байгууллагатай тэрсэлдэх болон нэгдэх хүсэлгүй билээ.
· Бидний гол зорилго бол архинаас бүрмөсөн ангижирч, мөн бусад архаг архичдад архинаас гарч, эрүүл саруул болоход нь туслахад оршино.
©А.А. Grapevine, Inc.
ТҮҮХ
1935 онд АНУ-ын Акрон хотод эдгэрэх найдваргүй 2 архичин уулзаж архигүй амьдрах хүсэл эрмэлзлэл, итгэл үнэмшлээ хуваалцжээ. Тэр өдрөөс хойш уулзалт олон удаа үргэлжилж, тэдэнд архигүй амьдарч болох мэдрэмж төрж эхэлсэн байна. Эмчилгээний газар, хаана л архи уудаг хүн байна тэд тэнд очиж архичин хүмүүстэй уулзсаар А.А хөдөлгөөний хүрээ өргөжин тэлж, өнөөдөр дэлхийн 180 гаруй оронд үүсэн байгуулагдаад байна.